दुबई— युएईमा भारतीय समुदायको जनसंख्या लगभग ४० लाख पुगेको छ, जसले युएईको आर्थिक वृद्धि र यसको भविष्यको दृष्टिकोणलाई निर्देशित गर्ने दुबई र उत्तरी इमिरेट्सका लागि भारतका कन्सुल—जनरल सतीश कुमार सिवानले जानकारी दिएका छन् । ।
इन्डियन इन्स्टिच्युट अफ चार्टर्ड एकाउन्टेन्ट्स अफ इन्डिया (आईसिएआइ दुबई च्याप्टरद्वारा आयोजित सम्मेलनमा बोल्दै सिवानले भारतीय डायस्पोराको योगदानका कारण युएई, विशेष गरी दुबई, वित्त क्षेत्रमा द्रुत गतिमा विश्वव्यापी केन्द्र बन्दै गइरहेको दाबी गरेका छन् ।
भारतीय समुदायले युएई र भारतबीच सांस्कृतिक सेतुको रूपमा काम गरेको उनले बताए । सन् २०१२ सम्म युएईमा २२ लाख भारतीय रहेकोमा सन् २०२३ सम्म आईपुग्दा ३९ लाख पुगेको थियो । यो वृद्धि भारत र युएई बीचको घनिष्ठ रणनीतिक साझेदारीको द्रुत सुदृढीकरण एक प्रमुख कारक भएको बताइएको छ ।
भारतीयहरू युएईमा सबैभन्दा ठूलो प्रवासी समुदाय हुन् र वर्षौंदेखि युएईको अर्थतन्त्रमा उल्लेखनीय योगदान पुर्याएका छन्। यर्थाथमा, स्वास्थ्य सेवा, घरजग्गा, खुद्रा र अन्य क्षेत्रहरूमा लगानी गर्ने भारतीय प्रवासीहरू युएईका सबैभन्दा धनी समुदायको रुपमा मान्ने गरिन्छ ।
करिब ९५ लाख जनसंख्या भएको यो देशमा विदेशी कामदार सहित ८६ लाख विभिन्न देशका नागरिक बसोबास गर्ने गरेका छन् ।
प्रतिक्रिया