गिलगिट— पाकिस्तान प्रशासित गिलगिट—बाल्टिस्तानको गिलगिट जिल्लाको बारगो बल्लाका स्थानीयले आफ्नो क्षेत्रमा काठको पुल मर्मत गर्न ढिलाइ भएकोमा निराशा व्यक्त गरेका छन्।
उनीहरुले तत्काल काम सम्पन्न गरी सम्भावित दुर्घटना हुन नदिन ठेकेदारलाई दबाब दिन आफ्ना निर्वाचित प्रतिनिधि अमजद हुसेनलाई आग्रह गरेका छन् ।
पामिर टाइम्समा अपलोड गरिएको भिडियोमा एक व्यक्तिले भनेका छन्, ‘भिडियोमा तपाईले बार्गो बल्ला ब्रिज भनेर चिनिने पुल निकै जीर्ण अवस्थामा रहेको देख्न सक्नुहुन्छ, मर्मतको काम थालेको तीन महिना बितिसक्यो, तर बन्न सकेको छैन । यहाँबाट धेरै मानिस आवात जावत गर्छन्, जतिबेला पनि दुर्घटना हुन सक्छ।’
मर्मतमा ढिलाइ भएकोमा चिन्ता व्यक्त गर्दै ती व्यक्तिले भने, ‘यो पुलको निर्माण अघि बढाउन सरकारलाई हाम्रो अपिल छ। बालबालिकाले पनि यो पुल पार गर्ने गरेका छन्। ठेकेदारको लापरवाहीले काम पूरा हुन नसकेको कारण जनताले गुनासो गरिरहेका छन् । चाँडो काम सम्पन्न गर्न अनुरोध गर्दछौं, अन्यथा यहाँका जनता सडकमा उत्रिएर आन्दोलनमा उत्रनेछन् ।’
उक्त पुल निर्माण बारे कुनै निर्णय नभए सडक आन्दोलनमा उत्रनुको विकल्प नरहेको स्थानीयले स्पष्ट गरेका छन् । अल्पविकासको सामना गरिरहेका क्षेत्रहरूमा विरोधहरू असामान्य नभए पनि प्रायः अन्तिम उपायहरू हुने गरेका छन्, जब समाधानका लागि अन्य सबै उपायहरू समाप्त भइसकेका हुन्छन्।
बारगो बल्लामा यो समस्या नयाँ पनि गिलगिट—बाल्टिस्तान क्षेत्रमा यस्तो अवस्था सामान्य जस्तै बनेको छ ।
यस क्षेत्रले आधारभूत सेवाहरूमा पहुँचको सन्दर्भमा गम्भीर चुनौतीहरूको सामना गरिरहेको छ। यस क्षेत्रले धेरै सडक, पुल, र अन्य मुख्य पूर्वाधारहरु जीर्ण अवस्थामा छन्, र मर्मत वा विकासका परियोजनाहरूको कार्यान्वयनमा स्रोतको अभाव, राजनीतिक इच्छाशक्ति वा असक्षमताका कारण ढिलाइ वा नबन्ने अनुभव गरिरहेको छ ।
प्रतिक्रिया