मस्तिष्कलाई असर गर्ने नयाँ भाइरस चीनमा फेला

बेइजिङ— चीनमा एउटा नयाँ भाइरस फेला परेको छ । वेटल्याण्ड भाइरस (वेलभी) नाम दिएको यो भाइरस किर्नाको टोकाईबाट मानिसमा फैलिन सक्छ । यसको टोकाईबाट मस्तिष्क सम्बन्धी रोग निम्त्याउन सक्ने सञ्चार माध्यमहरुले जनाएका छन् ।

यो भाइरस पहिलो पटक जुन २०१९ मा जिन्झाउ शहरमा ६१ वर्षीय बिरामीमा पहिचान गरिएको थियो, जो भित्री मंगोलियाको सिमसारमा किर्नाले टोकेको पाँच दिन पछि बिरामी परेका थिए। द न्यु इङ्गल्याण्ड जर्नल अफ मेडिसिनमा प्रकाशित अध्ययन अनुसार एन्टिबायोटिक प्रतिरोधी लक्षणहरू सहित बिरामीले ज्वरो, टाउको दुख्ने र बान्ता गर्ने गरेका थिए ।

वेलभी भाइरसहरूको समूह हो जुन किर्नाबाट सर्ने गर्दछ जसले मानिसमा गम्भीर रोग निम्त्याउन सक्छ। प्रारम्भिक खोज पछि, अनुसन्धानकर्ताहरूले उत्तरी चीनमा गहिरो अनुसन्धान गरे, जहाँ उनीहरूले विभिन्न स्थानहरूबाट लगभग १४,६०० किर्नाहरू सङ्कलन गरे। यी मध्ये करिब २ प्रतिशतमा वेलभी आनुवंशिक भेटिएको थियो ।

वेलभी भेडा, घोडा, सुँगुर र ट्रान्सबाइकल जोकोर भनिने मुसामा पनि पाइन्छ। किर्नाले टोकेका बिरामीहरूमा थप परीक्षणहरूले २० जना व्यक्तिहरूमा भाइरसको पोजिटिभ लक्षण देखियो जसमा ज्वरो आउने, चक्कर लाग्ने र टाउको दुख्ने देखि वाकवाकी र पखाला सम्मका लक्षणहरू थिए। मस्तिष्क र स्पाइनल फ्लुइडमा सेतो रक्त कोशिकाको उच्च संख्याका कारण एक बिरामी कोमामा समेत परेका थिए।

यद्यपि सबै रोगीहरू उपचार पछि निको भए । मुसामा गरिएको परिक्षणले वेलभीबाट घातक संक्रमण हुन सक्छ । यसको साथै वेलभीले विशेष गरी मस्तिष्कमा गम्भीर स्वास्थ्य समस्याहरू निम्त्याउने सक्छ ।