भारतको होटल क्षेत्र आगामी तीन वर्षमा १० दशमलव ५ प्रतिशतले वृद्धि हुने प्रक्षेपण

नयाँ दिल्लीः भारतको होटल क्षेत्र आगामी तीन वर्षहरूमा १० दशमलव ५ प्रतिशतको चक्रवृद्धि वार्षिक वृद्धि दरमा वृद्धि हुने प्रक्षेपण एक्सिस सेक्युरिटीजले आफ्नो पछिल्लो क्षेत्रगत प्रतिवेदनमा उल्लेख गरेको छ ।

यसले ८,२०० करोड रूपैयाँको वार्षिक आम्दानी वृद्धि हुनेछ। यो वृद्धि स्वदेशी यात्रुहरू, विदेशी पर्यटकहरू र माइस खण्डद्वारा संचालित हुनेछ।

प्रतिवेदनले अनुसार, भारतमा कुल आतिथ्य उद्योग (होटल) मा हाल २ लाख १२ हजार कोठाहरू छन्, जसको उद्योग आकार वार्षिक ८२ करोड रुपैयाँमा पुगेको छ ।

आन्तरिक पर्यटक उद्योगको वृद्धिमा करिब ५० प्रतिशत योगदान दिने अपेक्षा गरिएको छ । यस्तै, ३० प्रतिशत विदेशी पर्यटक र बाँकी २० प्रतिशत बैठक, प्रोत्साहन, सम्मेलन, र प्रदर्शनी खण्डले योगदान गर्नेछ ।

होटलिभेट रिसर्चको एक रिपोर्ट अनुसार वार्षिक १० दशमलव ८ प्रतिशत चक्रवृद्धि वार्षिक वृद्धि दरमा माग बढ्ने अपेक्षा गरेको छ, जबकि समग्र आपूर्ति ८ प्रतिशतले बढ्ने अनुमान गरिएको छ।

सन् २०२७ सम्म, होटल कोठाहरूको संख्या २ लाख ४१ हजार पुग्ने अनुमान गरिएको छ। प्रतिवेदन अनुसार २०२४ देखि २०२७ सम्म प्रति वर्ष १८ हजार कोठा थपिने अनुमान गरिएको छ ।