सौर्य एयरलाइन्स दुर्घटनाः राजस्वको दबाव र चिनियाँ ऋणको पासोमा पोखरा विमानस्थल

काठमाडौँ– केही दिन अघि काठमाडौको त्रिभुवन अन्तर्राष्ट्रिय विमानस्थलमा सौर्य एयरलाइन्सको विमान गम्भीर दुर्घटनामा परेको छ । उक्त दुर्घटना नागरिक उड्डयन प्राधिकरणको आर्थिक दबावबाट प्रभावित निर्णयप्रति चासो व्यक्त गरिएको छ ।

त्रिभुवन अन्तरराष्ट्रिय विमानस्थलमा ह्याङ्गर ठाउँ उपलब्ध भएको अवस्थामा विमानलाई पोखरा अन्तर्राष्ट्रिय विमानस्थल (पीआईए)का लागि राजस्व संकलनको लागि पठाइएको थियो।

यस घटनाले देशको उड्डयन पूर्वाधारको व्यवस्थापनमा प्राथमिकताको बारेमा बहस सुरु गरेको छ । पोखरा विमानस्थलमा नियमित उडान नभएकाले राजस्व संकलनको लागि सौर्य एरलाइन्सको विमान मर्मत सम्भारको लागि पोखरा पठाएको शंका गर्न थालिएको छ । पोखरा विमानस्थल चिनियाँ ऋण लिएर बनाइएको हो र यस विमानस्थलबाट राजस्व संकलन गर्न ठूलो दबाब सिर्जना भएको छ ।

लोकतान्त्रिक समाजवादी पार्टीका सदस्य सर्वेन्द्रनाथ शुक्लाले यस विषयमा चिन्ता व्यक्त गरेका छन् । उनले भने, ‘विमानलाई त्रिभुवन विमानस्थलमा नै मर्मत सम्भार गर्न दिएको भए दुर्घटनाबाट बच्न सकिन्थ्यो ।’

शुक्लाले पीआईएमा राजस्व संकलनको दबाबहरु सृजना भएको छ जसले नेपालको उड्डयन क्षेत्र भित्र विभिन्न प्रभाव पर्ने बताएका छन् । अनुसन्धान जारी रहँदा, घटनाले उड्डयन उद्योगमा वित्तीय दबाब भन्दा पनि सुरक्षालाई प्राथमिकता दिनुपर्ने आवश्यकता औल्याएको छ ।