पाकिस्तान नियन्त्रित गिलगिट बाल्टिस्तानका विद्यालयमा शिक्षकको अभाव

गिलगित कारगाह दुरमुश्को— पाकिस्तान नियन्त्रित गिलगिट बाल्टिस्तानको कारगाह दुर्मुश्को क्षेत्रका विद्यार्थीहरूले विद्यालयमा शिक्षकहरूको अभाव र कमजोर शैक्षिक पूर्वाधारको विरूद्ध प्रदर्शन गरेका छन् ।

सरकारी विद्यालयमा पढाउन शिक्षक नहुँदा ७० विद्यार्थीले आन्दोलनमा गरेका छन् ।

स्थानीय एक सरकारी विद्यालयका ७० विद्यार्थीले विद्यालयमा शिक्षक नहुँदा आन्दोलनमा उत्रिएका हुन् । कक्षा १ देखि कक्षा ५ सम्मका विद्यार्थीले लामो समयदेखि प्रशासनले शिक्षक उपलब्ध गराउन नसकेको र विद्यालयको सुधार नआएको गुनासो गरेका छन् ।

विरोधका क्रममा नजिकैको गाउँका एक स्थानीय विद्यार्थीले भने, ‘हामी कम्तिमा एक सातादेखि नियमित विद्यालयमा आइरहेका छौँ, डाक्टर बन्न चाहन्छौ तर पढाउने शिक्षक छैनन् ।’ यदि यो जारी रह्यो भने उनको सपना पूरा नहुने बताएका छन् ।

स्थानीय गाउँबाट विद्यालय आएका अर्का विद्यार्थी कामरान अकमलले विद्यालयको न्यूनतम सञ्चालन कायम राख्न विद्यालयमा कम्तीमा ६ जना शिक्षक आवश्यक पर्ने बताए । त्यस्तै, पीओजीबीको दियामेर जिल्लाको मटट गाउँले पनि अहिले शैक्षिक पूर्वाधारको ठूलो समस्याको सामना गरिरहेको छ ।

गाउँमा आधारभूत सुविधाको नजिक एउटै विद्यालय मात्र नभएकोले स्थानीयलाई शिक्षाको पहुँचको नाममा यो एकमात्र विकल्प उपलब्ध छ । यहाँ प्राथमिक कक्षाहरू मात्र समावेश छ । स्थानीय विद्यालयमा १०० भन्दा बढी विद्यार्थीहरूको लागि एक जना मात्र शिक्षक रहेका छन् ।

विद्यालय भवनमा उपयुक्त फर्निचर, कक्षा कोठामा उचित भुइँ र शिक्षक तथा विद्यार्थीका लागि शौचालय जस्ता अन्य आवश्यक सुविधाहरू विद्यालयमा छैनन् ।