चितवन दुर्घटना अपडेट : नदीमा खसेको एञ्जल डिलक्समा थिए १७ नेपाली र ७ भारतीय (नामसहित)

नारायणगढ—मुग्लिन सडकको सिमलतालमा शुक्रबार बिहान पहिरोले बगाएको यात्रुवाहक बसमा पर्साका १७ जना नेपाली र ७ जना भारतीय नागरिक रहेको खुलेको छ । बसमा पर्साको १७ जना नेपाली र ७ भारतीय रहेको एञ्जल डिलक्स मार्फत वीरगञ्ज काउन्टरका बुकिंग गरेको लिस्ट भेटीए पछि खुलेको हो ।

उक्त स्थानमा सशस्त्र प्रहरी बल नेपाल १७ गण चितवनबाट ४५ जना र विपद् व्यवस्थापन तालिम शिक्षालयबाट ७ जना गोताखोर परिचालित छन् । चितवनमा प्रमुख जिल्ला अधिकारी इन्द्रदेव यादवले दुवै बसमा चालकसहित ६५ जना सवार रहेको बताएका छन् ।