काठमाडौं ।
मेडिकल व्यवसायी दुर्गा प्रसाईंको प्रदर्शनस्थल बल्खु वरपर चहलपहल सुरू भइरहँदा तोडफोड र ढुंगामुढा भएको छ।
कालिमाटीबाट बल्खु हुँदै तीनकुने आउन लागेको नेकपा एमालेको भातृ संगठन युवा संघको बाइक र्यालीमाथि बल्खुमा ढुंगाप्रहार भएपछि झडप भएको हो। उनीहरूमाथि प्रसाईंका समर्थकले ढुंगा प्रहार गरेकाे बताइएकाे छ।
प्रसाईंको समूहले बल्खुमा प्रदर्शनको तयारी गरिरहेको छ। त्यही बेला युवासंघको र्याली बल्खुमा पुगेको थियो। झडपका क्रममा युवा संघका कार्यकर्ता चढेका र सडकछेउमा पार्किङ गरिएका सर्वसाधारणका केही मोटरसाइकलकाे तोडफोड भएकाे छ। प्रसाईंका समर्थकले हमला गरेपछि युवा संघका कार्यकर्तालाई कुलेश्वरतर्फ लागेका छन्। प्रहरीले स्थितिलाई नियन्त्रणमा लिएको छ।
प्रतिक्रिया