ताजा खबर :- टावेलको प्रयोग हरेक मानिसले गर्छन् । तर के तपाईले यसको प्रयोग सही रूपमा गर्दै आउनु भएको छ? यदि तौलियाको गलत तरिकाले प्रयोग गरेमा विभिन्न स्वास्थ्य समस्याहरू उत्पन्न हुनसक्छ । चिकित्सकका अनुसार तौलियालाई मेडिकल टर्म मा फोमाइट भनिन्छ । फोमाइट भन्नुको अर्थ ती व्यक्तिगत चीजहरू जसबाट इन्फेक्शन हुने सम्भावना हुन्छ । तौलिया प्रयोग गर्दा गर्न नहुने गल्तीहरू यस्ता छन्, जसको जानकारी राख्दा स्वास्थ्यमा धेरै राम्रो सुधार आउँछ ।

१- नुहाईसकेपछि सफा एवम् ताजा तौलियाको प्रयोग गर्नुहोस् किनभने फोहोर तौलियामा रहेको ब्याक्टेरियाले त्वचा सम्बन्धि समस्या उत्पन्न गर्नसक्छ ।

२- तौलियालाई कहिलै बाथरूममा छोड्नुहुँदैन । यसलाई सधैँ घाममा सुकाउनुहोस् किनभने बाथरूममा रहेको हानिकारक ब्याक्टेरिया तौलियामा फैलिन सक्छ,  जसको परिणामस्वरूपम विभिन्न स्वास्थ्य समस्याले पीडित बन्नु पर्दछ ।

३- तौलियालाई सधैँ वा एकदिन छोडेर अवश्य धुनुहोस् । फोहोर तौलियाको प्रयोगले चिलाउने, रेशेज, स्किन डिजीजको कारण बन्न सक्छ ।

४- कुनै दोस्रो व्यक्तिको तौलिया प्रयोग गर्नुहुँदैन किनभने दोस्रो व्यक्तिको स्किन डिजीज वा एलर्जीको ब्याक्टेरिया तपाईलाई नोक्सान पुर्याउन सक्छ ।

५- सधैँ नरम एवम् मुलायम तौलियाको प्रयोग गर्नुहोस् । ज्यादै कडा तौलियाको प्रयोगले त्वचा खराब र खस्रो हुनसक्छ । यसबाट त्वचा सुख्खा हुनसक्छ ।

६- सधैँ शरीरलाई माथिदेखि तल पुछ्न शुरू गर्नुहोस् तर तलबाट माथि चाँही पुछ्नु हुँदैन । शरीरको तल्लो भागमा रहेको ब्याक्टेरिया मुख र नाकको माध्यमले शरीर भित्र जान सक्छ ।

७- तौलियाले शरीर र टाउकोमा जोडले रगड्नु हुँदैन । हल्का हातले सफा गर्नुपर्दछ । यसबाट त्वचाको नरमपन नष्ट हुनसक्छ । त्वचा सुख्खा र खस्रो हुनसक्छ ।

८- तौलियालाई आफ्नो अन्डरगारमेन्ट्सको साथमा धुनुहुँदैन । अन्डरगारमेन्ट्समा रहेको ब्याक्टेरिया तौलियामा फैलिन सक्छ ।

९- धेरै गाढा रंगको तौलिया प्रयोग गर्नुहुँदैन । सेतो तौलिया सबैभन्दा राम्रो मानिन्छ किनभने सेतो तौलियामा रहेको फोहोर चाँडो देखिन्छ, जसले तपाईलाई सफा राख्न बाध्य बनाउँछ ।

तपाईको प्रतिक्रिया