पोखरा, १० असोज (रासस) : ऐतिहासिक, धार्मिक एवं पुरातात्विक महत्व बोकेको कास्कीकोटस्थित गुप्तकालिका मन्दिर परिसरमा स्थानीयवासी लेखनाथ सुवेदीले छातीमा जमरा उमार्नु भएकोछ ।

गुप्तकालीका धार्मिक क्षेत्र विकास समितिद्वारा विश्व शान्तिको कामना गर्दै आयोजित नवदुर्गा महोत्सवका अवसरमा उहाँले निराहार तथा मौनव्रत बसेर छातीमा जमरा उमार्नुभएको हो ।

घटस्थापनाका दिनदेखि छातीमाथि टपरीमा उमार्नु भएको जमरा दशमीका दिन गुप्तकालिकालाई चढाइने तयारी भइरहेको समितिका अध्यक्ष दिलीप विक्रम शाहीले बताउनुभयो ।

उहाँका अनुसार सप्तमीका दिन पोखराको रामघाटबाट भजन कीर्तनसहित फूलपत्रको डोली मन्दिरमा भित्र्याउनाका साथै सोही दिनमा लोपोन्मुख रहेको कुँवर जातिको सरुङ खेल प्रदर्शन गरिने परम्परा रहेको छ ।

सरुङ खेलमा सत्रौँ शताब्दीका ढाल, तरबार, नगरालगायत सामग्री प्रदर्शन गरिने बताउँदै उहाँले भन्नुभयो, “गुप्तकालीका मन्दिरमा तान्त्रिक तथा वैदिक पूजा हेर्न श्रद्वालु भक्तजनको बाक्लो उपस्थिति रहँदै आएको छ ।

तपाईको प्रतिक्रिया