भीमदत्तनगर : जनपद प्रहरीमा भर्ना हुन सुदूरपश्चिमका नौवटा जिल्लाबाट पाँच हजार २५८ जनाले आवेदन दिएका छन् ।

सबैभन्दा बढी कैलालीबाट एक हजार ३९९ महिला तथा पुरुषले दर्खास्त दिएका छन् । सुदूरपश्चिम क्षेत्रीय प्रहरी तालिम केन्द्र दीपायलका प्रहरी नायब उपरीक्षक शंकरदत्त भट्टका अनुसार कञ्चनपुरमा ८४४, डडेल्धुरामा ३०१, बैतडीमा ४०९, दार्चुलामा ४५०, बझाङमा ३६६, बाजुरामा ५५३, अछाममा ३८६, डोटीमा ९७ र तालिम केन्द्र दीपायलमा ६४५ जनाले आवदेन दिएका छन् ।

आवेदन दिनेमा महिलाभन्दा पुरुषको सङ्ख्या दोब्बर छ । सात सय ६७ जनाका लागि भर्ना खोलिएको हो । यसअघि जवान भर्नाका लागि आवदेन दिएकामध्ये सुदूरपश्चिमबाट दुई हजार ८३३ जनाले लिखित परीक्षा दिइसकेका छन् । अघिल्लो पटक तीन हजार ९४९ जनाको आवेदन परेको सुदूरपश्चिम क्षेत्रीय प्रहरी तालिम केन्द्र दीपायलले जनाएको छ ।

तपाईको प्रतिक्रिया