काठमाडौँ- राजेश पायल राईले विल्सन विक्रम राई (तक्मे बुढा) र एलिसा राईको जोडी मिलाई दिएका छन् । लोकप्रिय बनीसकेको किन ‘यति धेरै माया लाग्छ नि हौ’ भन्ने बोलको गीतको भिडियोमा तक्मे बुढा र एलिसा जोडी बनेर देखिएका हुन् ।

राजेश पायल राईको अत्यधिक रुचाईएको एल्बम दर्शन नमस्ते ३ मा समावेश यस गीतमा महेश खड्काको शब्द र संगीत छ ।

दश महिना अघि १५ लाख रुपैँयामा विन्दबासीनी म्युजिकले किनेको उक्त एल्बमको भिडियोलाई कमल राईले निर्देशन गरेका हुन् । कमल राईकै कोरियोग्राफी रहेको भिडियोमा विल्सनको तक्मे र युवा दुई रुप देखिएको छ ।

भिडियोमा राजेश पायल राई आफैँ पनि निकै हसीलो रुपमा देखिएका छन् । स्टेज कार्यक्रममा पनि अत्यधिक रुचाईएको यस गीतको भिडियोलाई ज्ञानेन्द्र शर्माले खिचेका हुन् भने भरत रेग्मीले सम्पादन गरेका हुन् ।

तपाईको प्रतिक्रिया