काठमाडौं -सनी देओलले आफ्ना अभिनेता भाइ बबी देओल डिप्रेसनको सिकार भएको खुलासा गरेका छन् । विगत १० वर्षदेखि कसैले पनि बबीलाई फिल्ममा नलिएकाले उनी डिप्रेसनमा गएको सनीले खुलाएका हुन् ।

बबीले चार वर्षपछि हाल ‘पोस्टर ब्वाइ’ फिल्ममार्फत ‘कमब्याक’ गरेका छन् । उनको सो फिल्म शुक्रबारदेखि प्रदर्शनरत छ । निर्माता, निर्देशकसँग काम माग्दा नपाएकाले बबी डिप्रेसनमा गएको सनीले बताएका हुन् ।

हालै एक प्रेसमिटमा सनीसँग बबीको बारेमा पत्रकारले सोधे । बबीसम्बन्धी जिज्ञासामा सनी भावुक बने । आफ्नो भाइबारे उनले रुँदै भने, ‘बबीले विगत १० वर्षदेखि निर्मातासँग फिल्म मागिरहेको थियो । तर, कसैले पनि उसलाई फिल्म दिएनन् । त्यसकारण ऊ डिप्रेसनमा गयो । उस्को त्यस्तो हालत हामीले कसरी सह्यौँ, त्यो हाम्रो परिवारलाई मात्र थाहा छ ।’

सनीले आफ्नो परिवार निकै बलियो भएकाले कुनै सदस्यलाई समस्या पर्दा सहारा बन्ने गरेको बताए । बबी अन्तिमपटक सन् २०१३ मा रिलिज भएको ‘सिंह साहब दी ग्रेट’ नामक फिल्ममा केमियो रोलमा देखिएका थिए ।नयाँ पत्रिकाबाट

तपाईको प्रतिक्रिया