काठमाडौं, बलिउड अभिनेता, निर्माता अरबाज खान हालै बान्द्राको स्मोक हाउसमा एक युवतीका साथ भेटिए । ती युवतीले जब फोटो पत्रकारलाई देखिन्, उनी मुख लुकाउँदै गएर अटो रिक्सामा बसिन् । खासमा ती नारी को थिइन् भन्नेचाहिँ पत्ता लागेको छैन ।

अरबाज र उनकी पत्नी मलाइका अरोरा खानबीच गत वर्ष सम्बन्धविच्छेद भइसकेको छ । पत्नीसँग छुट्टिएपछि अरबाज गर्लफ्रेन्डका साथ हिँड्ने गरेको बताइन्छ । स्मोकी हाउसबाहिर पनि उनी गर्लफ्रेन्डका साथमा रहेको भारतीय मिडियाको दाबी छ । मलाइकासँग सम्बन्ध चिसिँदै गएका वेला अरबाज एजेक्जेन्ड्रा नामक विदेशी गर्लफ्रेन्डको प्रेममा रहेको खबर आएको थियो । त्यतिवेला अरबाजले आफू प्रेममा रहेको कुरा स्विकारेका थिए । त्यसैगरी, मलाइका पनि एकजना विदेशीको अफेयरमा रहेको गसिप छाएको थियो ।नयाँ पत्रिकामा खबर छ ।

डिभोर्सपछि अरबाज र मलाइकाको धेरै ठाउँमा, धेरैपटक भेट भइसकेको छ । उनीहरू छुट्टिएको भए पनि छोराका कारणले एक–अर्काबीच राम्रै सम्बन्ध रहेको बताउने गरेका छन् । खासमा मलाइकाको अफेयर अभिनेता अर्जुन रामपालसँग भएको र त्यही कारणले गर्दा अरबाजसँग छुट्टिएको भारतीय मिडियाले उल्लेख गर्ने गरेका छन् । मुख छोप्दै अटोमा लुकेकी ती नारी अरबाजकी नया गर्लफ्रेन्ड भएको मिडियाको दाबी छ । अरबाजले भने यसबारेमा कुनै प्रतिक्रिया दिएका छैनन् ।

तपाईको प्रतिक्रिया