काठमाडौँमा घर भएका व्यक्तिहरु आफ्नो घरको कोठामा भाडा बस्नेहरुसँग भाडादर बढाउने होडबाजीमा छन् । कोरोना भाइरसको त्रासका कारण सरकारले २५ जनाभन्दा धेरै मानिस एकै ठाउँमा भेला हुन नपाउने, विभिन्न तहका परीक्षा स्थगित गर्नेलगायतका निर्णय गरेपछि काठमाडौँ छोड्ने मानिसहरुको संख्या हरेक दिन बढिरहेको छ । यस्तो अवस्थामा घरबेटीहरुले ‘अहिले घर गएर पछि फर्केर आउने हो भने एडभान्समा भाडा तिर्नुपर्ने वा पछि आउँदा हालको भन्दा बढी भाडा दिनुपर्ने’ सर्त राखिराखेका छन् ।

लामिछानेले आफ्नो घरमा भाडामा बस्नेहरुका लागि चैत्र १ देखि ३ महिना कुनै पनि भाडा नलिने घोषणा गरेर सामाजिक सञ्जाल फेसबुकमा स्टाटस लेखेपछि उनको स्टाटस अहिले भाइरल छ । आफूले कुनै पनि किसिमको प्रचारबाजी र भाइरल हुन आफूले यस्तो घोषणा गरेको नभई पुण्यको लागि पीताले दिएको सल्लाह बमोजिम यस्तो घोषणा गरेको उनको भनाई छ ।

हरिहर २०४४ सालमा काठमाडौँ छिरेका थिए । त्यतिबेला आफू पनि भाडामा बस्ने गरेको र भाडामा बस्नेहरुको पीडा बुझेका कारण संकटको बेलामा उनी यस्ता परोपकारी कर्महरु गरिरहन्छन् ।
भाडामा बस्नेहरु पनि पूर्ण सन्तुष्टसहित आफूहरु भाग्यमानी रहेको र यस्तो घरबेटी पाएको खुशी साट्छन् ।

भिडियोः

Comments