तपाईले कत्तिको ख्याल गर्नुभएको छ, धेरैजसो विमानको रंग सेतो हुन्छ । अझ लामो रूटमा चल्ने हवाइजहाज धेरै संख्यामा सेतो रहेको पाइन्छ । बिचमा अन्य कुनै रंग मिसाएपनि धेरै भाग सेतो रहेका विमानको संख्या पनि अत्याधिक पाइन्छ । आखिर किन विमानको रंग सेतो नै बनाइन्छ होला ? कहिल्यै अनुमान गर्नुभएको छ ? यसका पपछाडी यस्ता विभिन्न कारण हुँदा रहेछन् ।

हामीमध्ये केहीले विमानमा यात्रा गरेका छौं । तर विमानसँग जोडिएका केही तथ्य यस्ता पनि छन् जसबारे सायद तपाईंलाई थाहा छैन । आउनुहोस्, यसबारे जानकारी लिऔंः

आखिर विमानको रङ सेतो नै किन हुन्छ ?

विमानलाई धेर तात्न नदिनका लागि पनि सेतो रंग लगाइन्छ । रनवेदेखि लिएर आकाशसम्म विमान घाममा रहेको हुन्छ । धेरै माथिको उचाइ भर्दा विमानमा सूर्यको किरण सीधै पर्छ अनि किरणमा भएका इन्फ्रारेडले भयंकर गर्मी उत्पन्न गर्छन् । सेतो रंगले किरण परावर्तन गर्ने भएकाले ९९ प्रतिशतसम्म किरणलाई परावर्तन गरिदिन्छ र प्लेन तात्न पाउँदैन ।

विमानको भर्याङको मुनी किन बनेको हुन्छ सानो प्वाल ?

विमानको भर्याङमा तीन तह हुन्छ । एक तह बाहिरतर्फ, एक बीचमा र अर्को भित्रतर्फ । यसमा बीचको तहमा तपाईं सानो प्वाल देख्न सक्नुहुन्छ । वास्तवमा बीचको तहमा भएको प्वालले क्याबिनको प्रेशर नियन्त्रण गर्दछ । यदि प्रेशरका कारण झ्याल फुटेपनि सबैभन्दा पहिले यसको बाहिरी तह फुट्नेछ । त्यति बेलासम्म चालकले पनि विमानलाई तलसम्म लैजान सक्छ ।

किन हुन्छ विमानको झ्याल गोलो वा घुमाउरो ?

वास्तवमा, सुरुवाती अवस्थामा विमानको झ्याल चार कुनाको हुन्थ्यो । प्रेशरका कारण झ्यालको सिसा टुट्ने गर्दथ्यो । समयसँगै विमानको आकार र सुरक्षा दायरामा पनि परिवर्तन ल्याइयो । विमानको सुरक्षाका लागि वैज्ञानिकले पनि निकै सजिलो तरिका अपनाए । उनीहरुले विमानको झ्याललाई गोलो वा घुमाउरो बनाए ता कि यसमा पर्ने प्रेसर बाँडियोस् जसका कारण यो टुट्ने सम्भावना कम हुन्छ ।

अन्य रंगको तुलनामा सेतो रंगको भिजिबिलिटी (दृश्यमानता) धेर हुन्छ । यसले गर्दा दुर्घटनाबाट बच्न सकिने विश्वास गरिन्छ । विज्ञहरूका अनुसार, सेतो रंगको विमानको पुनः बिक्री मूल्य बढी हुन्छ । अनि सधैं घाममै हुँदा अन्य रंग लगाउँदा छिट्टो बिग्रन्छ जबकि सेतो रंग लगाउँदा छिट्टो बिग्रँदैन । अनि विमानलाई छिटोछिटो पेन्ट गरिरहनु पनि परेन । यसकारण धेरैजसो विमानमा सेतो रंग प्रयोग गरिँदो रहेछ ।

किन सानो हुन्छ विमानको झ्याल ?

उचाईमा उड्दा विमान बाहिर र भित्रको प्रेशरमा निकै अन्तर हुन्छ । यदि विमानको झ्याल ठूलो भए त्यसको सिसा टुट्ने सम्भावना बढि हुन्छ । तर तपाईं सोचिरहनुभएको होला कि ककपिटको झ्याल ठूलो र चार कुना किन हुन्छ ? वास्तवमा, चालकले बाहिरको दृश्य स्पष्ट रुपमा देखून् भन्नका लागि ककपिटको झ्याल ठूलो बनाइएको हुन्छ । यसमा प्रयोग गरिएका सिसा अत्यधिक बलियो र धेरै नै महँगो हुने गर्दछ ।

ल्याण्डिङ र टेकअफका बेला किन खोलिन्छ झ्यालको सटर ?

ल्याण्डिङ र टेकअफका बेला एयर होस्टेजले तपाईंलाई झ्यालको सटर उठाउन आग्रह गर्दछन् । वास्तवमा यसको पछाडि सुरक्षा कारण हुन्छ । यात्रुहरु विमानको सुरक्षाको विषयमा धेरै सजग हुन्छन् । यस्ता थुप्रै घटना सार्वजनिक भएका छन् जसमा यात्रुले झ्यालबाट देखेर क्रुलाई प्लेनको खराबी बारे जानकारी दिएका थिए । सटर खुल्ला हुँदा विमानमा आएका कुनै प्रकारको खराबीलाई तुरुन्त थाहा पाउन सकिन्छ ।

Comments