नायिका एवं बलिउड फिल्म निर्देशक पूजा भट्टले पिता महेश भट्टको निधनको खबर खण्डन गरेका छन् । प्रमाणको रुपमा उनले महेश भट्टका दुईवटा फोटो सेयर गरेकी छिन् जसमा उनी घरमा क्वालिटी समय बिताइरहेको देख्न सकिन्छ । वास्तवमा, सोसल मिडियामा महेश भट्टको हृदयघातका कारण मृ त्यु भएको अफवाह फैलिएको थियो ।

उनी खतरनाक तरिकाले जीवनयापन गरिरहेका छन्ः पूजा

पूजा भट्टले इन्स्टाग्राममा लेखिन्, ‘अफवाह फैलाउने र मेरो बुवा महेश भट्टको हृदयघातका कारण मृ त्यु भएको खबर सुनेर दुःखी भइरहेका मानिसहरुका लागि यो प्रमाण हो । उनी सधैं झैं खतरनाक तरिकाले जीवनयापन गरिरहेका छन् त्यो पनि रातो जुत्तामा ।’


यसरी उड्यो अफवाहः

शुक्रबार सिन्टा अफिसियल नामको ट्वीटर ह्यान्डलबाट महेश भट्टको निधनको सूचना दिइएको थियो । पोष्टमा एउटा फोटोसहित लेखिएको थियो, ‘श्रीमहेश भट्टको निधनमा सिन्टा गहिरो समवेदना व्यक्त गर्छ । ’ पोष्टमा भट्ट मार्च सन् १९८७ सम्म संस्थानको सदस्य थिए भनेर पनि लेखिएको छ । त्यसपछि उनको निधनको खबर सोसल मिडियामा भाइरल भएको थियो ।

Comments